მსოფლიო ბანკის უფროსი კონსულტანტი ირინა გორდელაძე - მოლოდინი გვაქვს, რომ წელს უფრო მეტი კომპანია ჩაერთვება BARTA-ს კონკურსში
- infobartageorgia
- Nov 20
- 1 min read
მსოფლიო ბანკის პერსპექტივიდან რომ შევხედოთ, BARTA-მ მიაღწია სიმწიფეს და მსოფლიო ბანკის გადაწყვეტილება წელს იყო, რომ გარკვეულწილად უფრო მნიშვნელოვანი როლი მიენიჭოს ადგილობრივ დაინტერესებულ მხარეებს, პარტნიორებს, მფლობელებს, - ამის შესახებ მსოფლიო ბანკის უფროსმა კონსულტანტმა მართვის საკითხებში ირინა გორდელაძე, „საუკეთესო წლიური ანგარიშის და გამჭვირვალობის ჯილდოს“ (BARTA) კონკურსის მიმდინარე პროცესებსა და 2025 წლის გეგმებზე საუბრისას განაცხადა.
ბიზნესასოციაციის ინფორმაციით, როგორც ირინა გორდელაძემ აღნიშნა, 31 ოქტომბრის ნაცვლად იქნება 30 ნოემბერი ბოლო განაცხადის მიღებისთვის.
"მოლოდინი გვაქვს, რომ წელს უფრო მეტი კომპანია ჩაერთვება კონკურსში. წინა წლებთან შედარების შეიცვალა თარიღი - უფრო მეტი დრო მივეცით წელს კომპანიებს, რადგან რაღაც განსხვავებული გვჭირდება. 31 ოქტომბრის ნაცვლად იქნება 30 ნოემბერი ბოლო განაცხადის მიღებისთვის. იმედი გვაქვს, რომ მეტი კომპანია შემოიტანს განაცხადს,"- განაცხადა მან.
